“The Guardian”, heq të gjitha reklamat nga kompanitë e naftës dhe të gazit

Prestigjiozja “The Guardian” nuk do të pranojë më reklamat nga ndërmarrjet e naftës dhe gazit, duke u bërë organizata e parë e madhe globale e lajmeve që krijon një ndalim të plotë për marrjen e parave nga ndërmarrjet që nxjerrin karburante nga fosilet.

Masa, pason përpjekjet për të zvogëluar gjurmët e karbonit që shkaktojnë kompanitë dhe për të rritur raportimin për urgjencën e luftës kundër klimës. Ndalimi do të zbatohet për çdo biznes të përfshirë kryesisht në nxjerrjen e karburanteve fosile, duke përfshirë shumë prej ndotësve më të mëdhenj në botë.

“Vendimi ynë është i bazuar në përpjekjet me dekada të tëra nga shumë njerëz në atë industri, për të parandaluar veprime domethënëse klimatike nga qeveritë në të gjithë botën,” tha shefja ekzekutie e kompanisë, Anna Bateson dhe shefi i të ardhurave, Hamish Nicklin, në një deklaratë të përbashkët.

Ata thanë se përgjigja ndaj ngrohjes globale ishte “sfida më e rëndësishme e kohërave tona” dhe nxorën në pah raportet e vetë Guardian se si lobimi nga kompanitë e energjisë ka dëmtuar në mënyrë të qartë kauzën mjedisore, shkruan IndeksOnline.

Grupet mjedisore kanë argumentuar prej kohësh që kompanitë e energjisë përdorin fushata të shtrenjta reklamuese për të “pastruar” aktivitetet e tyre, duke paguar për të nxjerrë në pah investime relativisht të vogla në energjinë e rinovueshme, ndërsa vazhdojnë të bëjnë pjesën më të madhe të të ardhurave të tyre nga nxjerrja e karburanteve fosile.
Ata kanë bërë thirrje për mediet që të refuzojnë reklama të tillë, megjithëse deri më tani vetëm një pjesë e vogël kanë adoptuar këtë qasje.

Reklamimi përbën 40% të të ardhurave të GMG, që do të thotë se mbetet një mënyrë kryesore për të financuar gazetarinë e prodhuar nga gazetarët Guardian dhe Observer në të gjithë botën.

Ëëhtë e vërtetë që refuzimi i disa reklamave mund ta bëjë jetën tonë pak më të ashpër në një afat të shkurtër. Sidoqoftë, ne besojmë se ndërtimi i një organizate dhe mbetja e qëndrueshme financiare duhet të shkojë paralelisht.” deklaroi Nicklin.

Ata shtuan se ata shpresuan që lexuesit të vazhdojnë të regjistrohen si anëtarë për të mbështetur gazetarinë e Guardian, por që reklamimi do të mbetet një burim kryesor i financimit për vitet në vazhdim. Si rezultat, dyshja thanë se shpresonin që vendimi për të ndaluar reklamat e karburanteve fosile do të apelonte për kompanitë e tjera që do të donin të reklamonin te Guardian.

Grupi i fushatës Greenpeace përshëndeti këtë veprim. “Ky është një moment mjaft pozitiv, dhe Guardian duhet të duartrokitet për këtë veprim të guximshëm për t’i dhënë fund legjitimitetit të karburanteve fosile,” tha Mel Evans, aktivist i lartë i klimës për Greenpeace në Mbretërinë e Bashkuar.

“Firmat e naftës dhe gazit tani gjenden së bashku me kompanitë e duhanit si biznese që kërcënojnë shëndetin dhe mirëqenien e të gjithëve në këtë planet”. /IndeksOnline/