IKShPK: Bëni kujdes sepse akoma ekziston rreziku i përhapjes së COVID-19

Nga data 4 maj, institucionet e shëndetësisë në Kosovë filluan me zbutjen e masave të ndërmarra kundër përhapjes së pandemisë COVID-19.

Por qytetarët filluan menjëherë me dalje të shumta, të cilat mund të rezultojnë me ndonjë valë kthimi të këtij virusi, e që do të rrezikonte vendin edhe më tepër.

Nga Institutit i Shëndetësisë Publike në Kosovë është bërë thirrje që të vazhdojnë masat e distancimit fizik dhe mbajtja e maskave.

Tutje nga IKShPK u tha se lehtësimi i lëvizjes nuk nënkupton mosrespektimin e rekomandimeve e të këtij institute dhe ministrisë së Shëndetësisë, transmeton Indeksonline.

Qytetarët u këshilluan që të vazhdojnë të mbajnë distancën fizike, të vendosen maska që të ketë kujdes të shtuar deri ën shuarjen e këtij virusi.

Postimi i plotë:

Të vazhdojnë masat e distancimit fizik dhe mbajtja e maskave!

Të nderuar qytetarë!

Lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë.

Mbani distancën fizike dhe mbani maska nē vendet publike.

Ju lutemi për kujdes të shtuar deri në shuarjen e plotë të COVID-19!

Ju lutemi të keni kujdes sepse akoma ekziston rrezik i përhapjes në vendet ku ka grumbullim të madh të njerëzve.

Virusi nuk ka këmbë, andaj mos ia jepni këmbët e juaja sepse do të rrezikoni të gjithë e më së shumti të afërmit tuaj!

Luten institucionet për mbajtjen e rendit dhe inspektoratet për angazhim të shtuar gjatë ditëve në vijim.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!

RUAJENI SHËNDETIN TUAJ!PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ:

QËNDRONI NË SHTËPI, KJO UA SHPËTON JETËN!
MBANI DISTANCË FIZIKE PËR SË PAKU 2 METRA!

NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!