Aksion inspektimi në Kamenicë, mbyllen shtatë seperacione dhe një deponi e zhavorit
Përmes një shkrimi publikuar në llogarinë e tij Facebook, kryetari i Komunës së Kamenicës Qëndron Kastrati, ka njoftuar opinionin rreth inspektimit të seperacineve dhe deponive të zhavorrit.
Kastrati shkruan se pas disa parregullsive janë mbyllur shtatë sosh, sakaq dy prej tyre u është dhënë afat për 30 ditë që të pajisen me leje ujore, përcjellë Indeksonline.
Ky është postimi i tij i plotë:
Drejtoria e Përgjithshme të Policisë, në bashkëpunim me Komisionin e Pavarur për Miniera dhe Minerale, si dhe Inspektorati komunal i Komunës së Kamenicës dje kanë zhvilluar një aksion inspektimi.
Janë inspektuar të gjitha seperacionet dhe deponitë e zhavorit. Pasiqë janë hasur shumë parregullësi, janë mbyllur shtatë separacione dhe një deponi e zhavorit. Kurse dy separacioneve të tjera u është dhënë afat prej 30 ditësh që të pajisen me leje ujore.