Albina Kelmendi e elektrizon skenën e Eurovisionit me “Duje”

Albina Kelmendi dhe familja e saj sonte përfaqësuan Shqipërinë në natën finale.

Ata u kualifikuan në natën finale në gjysmëfinalen e dytë si e para derisa deri me tani kënga e tyre është vlerësuar nga publiku mbarë botëror, sidomos është lavdëruar nga rrethet konservatore të Europës për shkak të mesazhit të saj – që është ruajtja e familjes.

Duje është një këngë me tekst të Erjona Rushitit kurse është kompozuar me motive folklorike nga Enis Mullaj,

Për herë të parë në “Eurovision”, sivjet votimi konsiderohet “i hapur” për të gjithë botën. Për herë të parë në historinë e garës, shikuesit nga vendet jo-pjesëmarrëse, përfshirë Kosovën, mund të votojnë për të preferuarin e tyre. Juria, e cila nuk kishte të drejtë vote në gjysmëfinale, ka të drejtë të votojë në finalen e madhe.

Si të votoni për Albina Kelmendin?

Të gjithë shikuesit mund të votojnë përmes aplikacionit zyrtar “Eurovision Song Contest”, që është në iOS dhe Android, dhe në faqen www.esc.vote, përfshirë edhe nga vendet jo-pjesëmarrëse. Votimi hapet pas këngës së fundit dhe do të zgjasë 40 minuta. Dhjetë këngët që marrin më shumë vota nga vendet jo-pjesëmarrëse do të marrin pikë nga 1-12 (1, 2, 3, 4, 5, 6, 7, 8, 10 dhe 12). Votat e vendeve jo-pjesëmarrëse llogariten si votat e një vendi pjesëmarrës.

Publiku, nga vendet pjesëmarrëse në “Eurovision”, jep gjithsej 2204 pikë (58 nga “pjesa tjetër e botës”, 2146 nga vendet pjesëmarrëse).

Në finale shënohen edhe votat e jurive kombëtare. 37 prej tyre japin gjithsej 2146 pikë. Këto pikë jepen veçmas nga pikët e audiencës, kështu që çdo vend pjesëmarrës jep dy herë pikë nga 1 në 12. Në rast se dy vende kanë të njëjtin numër pikësh në finale, vendi që ka pikë më shumë nga audienca ka përparësi.