Ali Ahmeti uron Presidentin Biden dhe popullin Amerikan
Kryetari i BDI-së, Ali Ahmeti ka uruar Presidentin e 46-të të SHBA, Joe Biden, i cili sapo është betuar në detyrën e tij të re.
Ja postimi i plotë:
Kam kënaqësinë e veçantë t’i përcjell urimet më të sinqerta presidentit
të 46-të të Shteteve të Bashkuara të Amerikës, z. Joe Biden me rastin e
inaugurimit të sotëm në Uashington.
Presidentit Biden fillimisht i uroj shëndet dhe shumë sukses në detyrë.
Jam besimplotë se SHBA-të nën udhëheqjen e z. Biden do të mbeten partner
strategjik i Republikës së Maqedonisë së Veriut, shqiptarëve dhe
Ballkanit në përgjithësi gjatë procesit tonë tashmë të pakthyeshëm drejt
integrimit të plotë në Bashkimin Evropian, por edhe në thellimin e
miqësisë tradicionale me Amerikën.