Aliu: Rekord i frikshëm, 55 raste të reja në Ferizaj!

Ferizaj vazhdon të shënojë rritje të numrit të rasteve të reja me koronavirus.

Në 24 orët e fundit, në këtë komunë janë regjistruar edhe 55 raste të reja, duke çuar totalin në 177 raste aktiv.

Kryetari i komunës së Ferizajt, Agim Aliu, përmes një postimi në Facebook e ka quajtur “Rekord të frikshëm”, rritjen e numrit të rasteve me koronavirus.

Statusi i plotë:

Bashkëqytetarë, Ferizaj po ngjitet frikshëm në krye të qyteteve me numrin më të lartë të të infektuarve me virusin COVID-19.

Ju lutem, është koha e fundit të kuptoni e zbatoni drejt mesazhin e profesionistëve shëndetësor: vendosni maskën, mbani distancën e mbani higjienën personale.

Mendo e mbro familjen e më të dashurit tuaj!