Alzheimeri ndryshe tek femrat dhe meshkujt

Shkencëtarët thonë se mund të kenë zbuluar pse femrat kanë më shumë se meshkujt sëmundjen e Alzheimerit dhe çmendurisë.

Është menduar gjithnjë se arsyeja është pasi që gratë jetojnë më gjatë se meshkujt.

Por kërkimet e reja, të paraqitura në një konferencë ndërkombëtare thonë se kjo nuk mund të jetë e gjitha.

Shumica e njerëzve që preken nga Alzheimeri janë mbi moshën 65 vjeçare, por kjo sëmundje mund të prekë edhe të rinjtë.

Lidhja e madhe e trurit

Studiuesit nga Qendra Mjekësore e Universitetit Vanderbilt studiuan skanime truri të qindra burrave dhe grave, duke parë modelin e një proteine ​​të quajtur tau.

Një nga karakteristikat të Alzheimerit është krijimi i proteinave të quajtur tau dhe amiloid në tru.

Gratë duket se kanë lidhje më të mirë midis rajoneve ku rritet proteina tau – dhe kjo kishte implikime për trurin, tha studimi.

Gjenet specifike të gjinisë

Një tjetër studim, nga Universiteti i Miamit, gjeti prova se gjenet specifike për gratë dhe burrat mund të lidhen me rrezikun e Alzheimerit.

Brian Kunkle, i cili udhëhoqi hulumtimin, tha se “gjenetika mund të kontribuojë në dallimet në rrezik dhe përparim” të sëmundjes mes të dy gjinive.

“Ende nuk e dimë pse disa gjene lidhen me rrezikun e Alzheimerit në një gjini dhe jo tjetrën, por zbulimi i kësaj mund të japë disa përgjigje se pse më shumë gra po jetojnë me “çmenduri” se burrat”, tha Dr Voigt.