Ancelotti: Ronaldo nuk shkakton probleme, ai i zgjidh ato

Carlo Ancelotti ka mbrojtur Cristiano Ronaldon, duke këmbëngulur se ylli portugez nuk më ka krijuar kurrë probleme gjatë dy sezoneve të tyre së bashku në Real Madrid.

Sjellja shpërthyese e Ronaldos gjatë muajit të fundit e ka bërë atë të shkaktojë probleme si për klubin ku po luante United si ashtu edhe për kombëtaren.

Intervista e tij bombë me Piers Morgan – ku ai pretendonte se nuk kishte respekt për Erik ten Hag – u pasua shpejt me një përplasje me menaxherin e Portugalisë, Fernando Santos, i cili nuk ishte i kënaqur me reagimin e sulmuesit për t’u zëvendësuar.

Me gjithë zhurmën që po ndodh rreth qëndrimit dhe sjelljes së Ronaldos, trajneri i Real Madridit, Ancelotti ka zbuluar se sulmuesi në të vërtetë i ‘zgjidhi’ problemet për të.

Duke folur në një intervistë për Corriere dello Sport, “E kisha me vete për dy vjet dhe ai kurrë nuk më dha ndonjë problem. Në fakt, ai i zgjidhi ato’’, tha Ancelotti, transmeton IndeksOnline.

“Një lojtar që shënon të paktën një gol për ndeshje nuk mund të jetë problem. Cristiano është një sportist që stërvitet mirë dhe është gjithmonë i vëmendshëm. Për mua ishte e lehtë për t’u menaxhuar’’, deklaroj ai.

Ancelotti, i cili menaxhoi Ronaldon në Real Madrid ndërmjet viteve 2013 dhe 2015, tha se cilësia e kombëtares së Portugalisë mund të jetë një nga arsyet e mosveprimit të tij nga formacioni fillestar i Santos kundër Zvicrës.

“Ai gjithmonë është kujdesur për veten, por konkurrenca në kombëtare është e fortë. Nëse e mendojmë mirë, edhe dikush si Rafael Leao fillon në pankinë’’ përfundoi ai. /IndeksOnline/