Anglia dhe Amerika ndajnë pikët
Ka përfunduar pa fitues ndeshja e Grupit B në Kupën e Botës, mes Anglisë dhe Amerikës.
Ndeshja përfundoi pa gola, me rezultat 0-0, shkruan IndeksOnline.
Në ”Al Bayt Stadium”, u zhvillua një ndeshje me shumë pak raste që ja vlen të permenden.
Rastin më të mirë në ndeshje e kishte kombëtarja e ShBA-së në pjesën e parë, ku një goditje e Christian Pulisic, përfundoi në traversën e Jordan Pickford.
Pas dy ndeshjeve të zhvilluara në Grupin B, Anglia kryeson tabelën me 4 pikë, Irani renditet e dyta me 3 pikë, ShBA ka 2 pikë ndërsa Uellsi me 1 pikë.
Ende nuk dihen skuadrat që do të kualifikohen në këtë grup, dhe këtë do ta mësojmë në ndeshjet e radhës.
Në ndeshjet e fundit takohen Anglia kundër Uellsit ndërsa ShBA përballet me Iranin./IndeksOnline/