Anije japoneze del nga Gjiri Persik pas bllokimit përmes Ngushticës së Hormuzit

Një anije në pronësi japoneze, me tre anëtarë ekuipazhi japonezë, ka arritur të dalë nga Gjiri Persik përmes Ngushticën e Hormuzit, të premten, pasi kishte mbetur e bllokuar në rajon për shkak të përleshjeve mes SHBA-së dhe Iranit.

Anija është një cisternë nafte që lundron nën flamur të Liberisë dhe aktualisht po lëviz drejt Japonisë.

Me daljen e cisternës, të gjitha anijet e lidhura me Japoninë dhe me ekuipazh japonez tashmë janë evakuuar nga Gjiri Persik, sipas Ministrisë së Jashtme të Japonisë.

Diplomatët japonezë thanë se, duke marrë parasysh nënshkrimin e një Memorandumi Mirëkuptimi mes SHBA-së dhe Iranit, qeveria e Japonisë do të vazhdojë të bëjë përpjekje diplomatike për rikthimin sa më të shpejtë të lundrimit të lirë dhe të sigurt përmes ngushticës së Hormuzit shkruan DW.