ANP “Adem Jashari”, fitues i çmimit për biznes të përgjegjshëm

Në ceremoninë e mbajtur nga “Peer Awards for Excellence” në Londër të Britanisë së Madhe, Aeroportit Ndërkombëtar të Prishtinës i është ndarë çmimi për Biznes të Përgjegjshëm për impaktin e kompanisë në shoqërinë e vendit ku operon.

Përkushtimi i vazhdueshëm ndaj mbrojtjes së ambientit duke përfshirë zvogëlimin e emetimit të dyoksidit të karbonit, trajtimin e ujërave dhe mbetjeve, proceset transparente të rekrutimit, shërbimet e reja me ndikim në rritjen e kënaqshmërisë së udhëtarëve si “Airport Helper”, si dhe implementimi i sistemeve më të avancuara të sigurisë dhe i atyre për trajtimin e aeroplanëve dhe udhëtarëve, kanë qenë pikat e vlerësuara nga juria që e kanë vendosur ANP “Adem Jashari” në listën e kompanive më të përgjegjshme ndaj shoqërisë.

Aeroporti Ndërkombëtar i Prishtinës “Adem Jashari” tashmë për disa vite qëndron në listën e aeroporteve me performancën më të lartë në Evropë, me ç’rast ka pranuar dhjetëra çmime për efikasitet në operime dhe përgjegjësi korporatave, thuhet në komunikatën për media.