“ARMY” rikthen BTS-në në krye të muzikës botërore me fitoren në “AMA”
BTS-ja ka konfirmuar edhe një herë dominimin në skenën ndërkombëtare të muzikës, duke fituar çmimin më të rëndësishëm në “American Music Awards” 2026. Grupi u shpall “Artisti i vitit” për të dytin vit radhazi, duke lënë pas emra të njohur si Taylor Swift, Bruno Mars, Bad Bunny dhe Lady Gaga.
Suksesi i grupit nuk u ndal vetëm te çmimi kryesor. BTS-ja rrëmbeu edhe trofeun për “Kënga e verës” me hitin “SWIM”, ndërsa grupi i ri i labelit të tyre, Katseye, u vlerësua me çmimin “Artisti i ri i vitit”.
Mbrëmja solli edhe fitore të tjera të rëndësishme në industrinë muzikore. “GOLDEN”, pjesë e filmit të animuar K-Pop Demon Hunters, fitoi çmimin “Kënga e vitit”, ndërsa Sabrina Carpenter u shpall fituese e “Albumit të vitit”.
Çmimet në “American Music Awards” vendosen tërësisht nga votat e publikut, duke treguar edhe një herë fuqinë globale të fandom-it “ARMY”, komuniteti i fansave të BTS-së, i cili konsiderohet ndër më aktivët në botë.
Gjatë fjalimit emocionues, lideri i grupit, RM, falënderoi fansat për mbështetjen e vazhdueshme, ndërsa anëtarët e tjerë theksuan rëndësinë e rikthimit të tyre pas përfundimit të shërbimit ushtarak.
Pas rikthimit në mars, BTS-ja ka nisur një turne botëror me fitime që raportohet të kenë kaluar shifrën e 1 miliard dollarëve. Turneu pritet të mbyllet me koncerte speciale në Busan, në kuadër të 13-vjetorit të debutimit të grupit.
