Arrestohet një person nga Hani i Elezit, kishte urdhëresë gjykate

Sot rreth orës 12:00, gjatë një pikë kontrolli në Hani Elezit, patrulla policore ka ndaluar personin S. R., 29 vjeç.

Gjatë verifikimit të të dhënave, është konstatuar se ndaj tij ishte lëshuar një urdhëresë e gjykatës Themelore të Ferizajt.

Ai është dërguar në gjykatë dhe pas kompletimit të dokumentacionit të nevojshëm është dërguar në vuajtje të dënimit, për veprën penale “Vjedhje e pyllit” 

Policia rajonale e Ferizajt apelon te qytetarët, të cilët kanë urdhëresa të gjykatës, që të jenë të kujdesshëm dhe të përmbushin obligimet ligjore që kanë ndaj gjykatave, për të shmangur pasoja më të rënda siç janë dënimet me burgim.