Arrestohen dy persona në kryeqytet, u kapen me kokainë e mariuhanë

Policia e Kosovës ka njoftuar se gjatë 24-orëve të fundit, ka gjetur dhe sekuestruar në dy raste të ndara lëndë narkoktike, të llojit kokainë e mariuhanë. Rastet kanë ndodhur në kryeqytet ndërsa me to është marrë njësiti i antidrogës.

Rasti i parë ka ndodhur në rrugën “Imer Paçarizi”, ku është arrestuar një person pasi që gjatë kontrollit në veturën e tij është gjetur dhe sekuestruar substancë e dyshuar narkotike e llojit kokainë, me peshë rreth 5 gramë. Me vendim të prokurorit pas intervistimit i dyshuari është liruar në procedurë të rregullt.

Ndërsa rasti tjetër ka ndodhur në rrugën “Hamëz Jashari”, ku është arrestuar i dyshuari pasi që, gjatë kontrollit tek ai janë gjetur dhe konfiskuar një thikë dhe 5.85 gramë substancë e dyshuar narkotike e llojit marihuanë. Me vendim të prokurorit i dyshuari është liruar në procedurë të rregullt./IndeksOnline/