Arrestohet Ali Morina, një ditë pasi policia e shpalli në kërkim

Policia e Kosovës-Drejtoria rajonale  e Policisë në Pejë, të premten, ka lëshuar kërkesë për bashkëpunim me qytetarë për arrestimin e personit të kërkuar ALI (Mehmet) Morina, i cili kërkohej për veprat penale:

• “Hyrje në sistemet kompjuterike”
• “ Kanosje”
• “Lëndim i lehtë trupor”

 Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguronte informacionin, lidhur me vendndodhjen e të kërkuarit dhe më 13.03.2021, është bërë arrestimi i tij nga hetuesit e stacionit policor, Klinë.

I dyshuari i lartcekur është dërguar në ndalim policor pёr 48-orё

 Rritja e besimit në Policinë e Kosovës, rritja e bashkëpunimit të qytetarëve me policinë e tyre do të çojë në përforcimin e mëtejshëm të policisë dhe në të njëjtën kohë edhe në rritjen e efikasitetit dhe suksesit në punët policore.

Për suksese në parandalimin e krimeve, qytetarët nuk duhet hezituar, duhet të kthehen në polici pa uniforma dhe vetëm me bashkëpunimin e tyre si në të gjitha vendet e qytetëruara, do të arrijmë të jetojmë në një vend të sigurt.