Arrestohet diplomati malazez që drejtonte një rrjet spiunësh rusë

Radomir Sekuloviç , ish-punonjës shumëvjeçar i Ministrisë së Punëve të Jashtme të Malit të Zi, dyshohet se ka punuar me vite në shërbimin e inteligjencës ruse dhe se ka qenë kreu i një grupi që dërgonte informacione konfidenciale në Moskë, shkruan “Vijesti”, transmeton IndeksOnline.

Sekulović së bashku me gjashtë punonjës të ambasadës ruse dhe disa shtetas të atij vendi janë nën hetim nga Prokuroria Speciale e Shtetit (SDT), në një veprim të koordinuar nga Agjencia e Sigurisë Kombëtare (ANB).
Ai është arrestuar paraditen e djeshme, ndërkohë që gjatë gjithë ditës kanë vazhduar kontrollet ndaj anëtarëve të dyshuar të grupit të tij, thanë disa burime për Vijestin./IndeksOnline/