Atletet e bardha të Ramës tërheqin vëmendjen e Rutte-s, Trump asnjë reagim

Kryeministri Edi Rama ka shpërndarë foton familjare në Samitin e NATO-s që po mbahet në Ankara.

Kreu i Qeverisë shqiptare shfaqet krah presidentit turk Erdogan, ndërsa aty ndodhen edhe liderët e tjerë botëror si Rutte dhe Trump.

Në videon e shpërndarë nga zyra e shtypit të kryeministrit, shfaqet një moment kur atletet e veshura nga kryeministri Edi Rama tërheqin vëmendjen e Mark Ruttes, me këtë të fundit që ia tregon menjëherë presidentit Trump.

Presidenti i SHBA-së shikoi në drejtim të atleteve të kryeministrit të Shqipërisë dhe nuk pati asnjë reagim.

Samiti u zhvillua me dyer të mbyllura, teksa vetëm fjala hapëse e Erdoganit ishte ajo që u transmetua drejtpërdrejt nga mediat.