“Avionë, dronë dhe pajisje mjekësore”, bota mobilizohet për ndihmë pas katastrofës në Venezuelë

Një numër i madh qeverish, organizatash ndërkombëtare dhe grupe bamirësie po ofrojnë ndihmë për Venezuelën pas katastrofës së fundit, duke dërguar ekipe shpëtimi, fonde dhe furnizime emergjente.

OKB ka mobilizuar 1,000 personel në terren, ndërsa Kryqi i Kuq ka dërguar 17 ton ndihma humanitare. SHBA ka premtuar 150 milionë dollarë ndihmë, mbi 250 ndihmës, si dhe mbështetje logjistike dhe transporti.

El Salvador ka dërguar 300 punonjës shpëtimi dhe 50 ton furnizime mjekësore, ndërsa Meksika ka angazhuar 250 ushtarë shpëtimi, qen kërkimi, avionë, dron dhe pajisje mjekësore, raporton BBC.

Spanja ka dërguar 57 ushtarë, 40 zjarrfikës dhe 1 milion euro ndihmë, ndërsa Mbretëria e Bashkuar ka ndarë 2 milionë funte ndihmë emergjente dhe ekipe kërkim-shpëtimi.

Zvicra, Kolumbia, Gjermania, Ekuadori, India, Franca, Republika Dominikane, Panama, Italia dhe Turqia gjithashtu kanë dërguar ekipe dhe furnizime të ndryshme shpëtimi dhe mjekësore.

Organizata “Kuzhina Qendrore Botërore” ka dhuruar 1 milion dollarë dhe vakte ushqimore, ndërsa Papa Leo XIV ka kontribuar me 100,000 euro ndihmë.

Ndihma ndërkombëtare po vazhdon të rritet, ndërsa përpjekjet për kërkim-shpëtim dhe ndihmë humanitare në terren vazhdojnë intensivisht.