Ballkanit nuk i mjafton titulli i Superligës, fiton edhe Kupën e Kosovës
![](https://indeksonline.net/wp-content/uploads/2024/05/watermarkPhoto-0-2.jpeg)
Disa ditë pasi u shpall Kampionë i Superligës së Kosovës, Ballkani është fituese edhe e Kupës së Kosovës, për sezonin 2023/24.
Në ndeshjen finale e cila u zhvillua në stadiumin ’’Rexhep Rexhepi’’ në Drenas, skuadra suharekase shënoi fitore ndaj Prishtinës, pas ekzekutimit të penalltive, me rezultat 4-2 (6-4), shkruan IndeksOnline.
Koha e rregullt e ndeshjes përfundoi me barazim 2-2.
Ballkani kishte epërsinë që nga minuta e 21-të, kur shënoi Walid Hamidi.
Meriton Korenica dyfishoi rezultatin për Kampionin e Kosovës, në minutën e 51-të.
Prishtina nuk u dorëzua dhe arriti të barazonte rezultatin me dy gola të shpejtë.
Ishte Albin Krasniqi që fillimisht u tregua i saktë nga penalltia në minutën e 78-të, derisa katër minuta më vonë barazoi shifrat në 2-2.
Ky është trofeu i parë i Ballkanit në Kupën e Kosovës./IndeksOnline/