Barcelona e fillon me fitore “epokën” pa Messin

Barcelona ka mposhtur Real Sociedadin me rezultat 4-2 në ndeshjen e xhiros së parë të sezonit të ri të La Ligas.

Të “traumatizuar” nga largimi i Leo Messit, katalonasit arritën të dalin me pikë të plota nga Camp Nou.

Barca kaloi në epërsi me golin e Gerard Pique në minutën e 19-të të ndeshjes, shkruan Indeksonline.

Reazultatin e dyfishoi Braithwaite në fund të pjesës së parë pas një gabimi të Adnan Januzajt.

I njëjti shënoi edhe golin e tretë për katalonasit në minutën e 59-të të ndeshjes.

Real Sociedad për pak sa nuk u kthye në lojë kur shënoi dy gola të shpejtë në fund të ndeshjes.

Fillimisht realizoi Lobete Cienfuegos në minutën e 82-të e më pas edhe Oyarzabai në minutën e 85-të.

Golin e katërt për Barcën e shënoi Sergio Roberto në minutat shtesë të ndeshjes.

Këto janë tri pikët e para të Barcelonës në sezonin e ri.

Nga tri pikë i kanë grumbulluar edhe Real Madrid, Atletico Madrid dhe Valencia. /IndeksOnline/