Barcelona fillon kontaktet me mbrojtësin francez, bën gati 35 milionë €

Benjamin Pavard mund të nënshkruajë me Barcelonën në afatin kalimtar të janarit.

Mbrojtësi francez i Stuttgartit është një nga lojtarët më të kërkuar këtë afat kalimtar, me Barcelonën që do të synojë të fitojë garën ndaj Napolit dhe Bayern Munich.

“Negociatat e Pavard për transferim në ‘Camp Nou’ kanë filluar”, raporton gazetari italian Gianluca di Marzio.

Thuhet se drejtuesit e Barcelonës tashmë kanë biseduar me agjentët e reprezentuesit francez, dhe oferta zyrtare nga katalanët pritet t’i mbërrijë shumë shpejtë Stuttgartit, e cila do të jetë 35 milionë euro.

Barcelona synon që të arrijë marrëveshje tani me gjermanët, por transferimi i Pavard në ‘Camp Nou’ të ndodh në muajin korrik.