Berisha del pozitiv me koronavirusin
Veton Berisha ka rezultuar pozitiv me koronavirusin.
Sipas njoftimit të klubit të tij, Viking FK, sulmuesi shqiptar është infektuar me Covid-19 dhe nuk ka ndonjë simptomë.
Përfaqësuesi i Norvegjisë aktualisht është i vetizoluar derisa të dalë negativ në testim, shkruan Indeksonline.
“Veton Berisha ka dalë pozitiv në testin për koronavirusin, të mërkurën mbrëma”, thuhet në një njoftim në uebsajtin e Viking FK.
“Lojtari nuk ka simptoma dhe është izoluar nga sot. Për shkak të pjesëmarrjes së tij në stërvitje të hënën dhe të martën, i tërë ekipi do të futet në karantinë”, thuhet në njoftim.
Berisha, i cili iu bashkua Viking FK-së në fillim të këtij viti, i ka shënuar 11 gola dhe i ka dhënë 9 asiste në 19 paraqitje në Elitëserien këtë sezon.
Po ashtu, ai e ka regjistruar një gol dhe një asist në dy ndeshje kualifikuese për Ligën e Evropës.
Klubben ble onsdag ettermiddag gjort kjent med at Veton Berisha har testet positivt for Covid-19.https://t.co/IrkPug4xnI
— Viking Fotball (@vikingfotball) October 14, 2020