Berlusconi po e “fundos” skuadrën e tij të re

Me 28 shtator, Silvio Berlusconi zyrtarisht u bë pronar i skuadrës italiane nga Serie C, Monza.

Ish-numri një i Milanit klubin e ri e gjeti me nëntë pikë pas tri ndeshjesh, por gjërat nuk shkuan si i kishte planifikuar.

Ai e nisi aventurën me humbje dhe që atëherë ka fituar vetëm një ndeshje, shkruan Indeksonline.

Edhe emërimi i Brocit si trajner nuk e zgjidhi problemin në rezultate.

Pas 11 xhirosh, Monza është në pozitën e 11-të me 15 pikë, pozitë kjo që nuk i jep të drejtën për të garuar në Play-off. /IndeksOnline/