Bislimi i VV-së: Deklaratë e mirë për Kosovën kjo e diplomatëve amerikanë Grenell e Palmer

Ministri në largim Besnik Bislimi nga radhët e VV-së, përmes një postimi të bërë në Facebook, deklaratën e Departamentit të SHBA-ve e ka quajtur të mirë për Kosovën.

Madje ai ka thënë diplomatët Grenell e Palmer kanë pohuar se SHBA do të bashkëpunojë me secilën Qeveri të Kosovës, pra sipas tij nuk kanë qëndrim kundër një subjekti siç kanë bërë sipas tij propagandë disa persona në Kosovë, transmeton Indeksonline.

Ky është postimi i plotë i tij:

Deklaratë e mirë për Kosovën kjo e diplomatëve amerikanë Grenell e Palmer

Duhet nënvizuar:

1 – Grenell&Palmer pohojnë se SHBA do të bashkepunojne me secilen qeveri te Kosovës që del nga proceset kushtetuese. Pra, nuk kanë qëndrim kundër një subjekti, siç kanë bërë propagandë disa persona në Kosovë.

2 – Diplomatët kërkojnë respektim të kushtetutës dhe jo individë që e vendosin veten mbi kushtetutën dhe mbi institucionet. Proceset kushtetuese për qeverinë ofrojnë këto opsione: zgjedhje të reja, mandatim i LV nga presidenti, e deri atëherë, vazhdim me qeverinë në detyrë. Dhe proceset kushtetuese për dialogun thonë se e udhëheq kryeministri.

3 – Ata thonë se nuk kanë parë plan me shkëmbim. territorial. Kjo konfirmon edhe një herë se Thaçi të gjithë diskutimin publik dhe planin për shkëmbim territoresh e ka bërë pa u konsultuar me amerikanët, po vetëm me Vuçiqin.

4 – Megjithate ka një ndryshim, më përpara thuhej se pranohet gjithçka që pajtohen palët (Serbia e Kosova), tash edhe pak mbetet që të kthehen te doktrina e vetme e arsyeshme, ajo që Kosova është e paprekshme në kufijtë e saj.

Aleanca e Kosovës me ShBA ndërtohet pikërisht mbi principe të tilla.