‘Bixhozi’ i madh i Bill Gates dhe milirderëve të tjerë në Grenlandë

Shkrirja është gjithashtu një mundësi. Kështu po e përjetojnë biznesmenë të ndryshëm, të cilët kërkojnë ‘arin’ e ri në Grenlandë, në këtë rast, minerale që mund të ndihmojnë në ndryshimin e një ekonomie të gjelbër.

Sipas CNN, miliarderë si Jeff Bezos, Michael Bloomberg dhe Bill Gates po “vënë bast” se nën sipërfaqen e kodrave dhe luginave në ishullin Disko dhe gadishullin Nuussuaq ka mjaft minerale kritike për të fuqizuar qindar, miliona automjete elektrike.

Litiumi është ari i ri. Është çelësi për bateritë e mëdha të rikarikueshme që fuqizojnë automjetet elektrike dhe ruajnë energjinë e gjeneruar nga panelet diellore e turbinat e erës, duke e mbajtur atë energji në përdorim edhe kur dielli nuk shkëlqen dhe era nuk po fryn.

Marrja e këtyre mineraleve, të cilat disa i quajnë “ari i bardhë” i ri, është pjesë e garës më të fundit globale për të prodhuar energji të pastër. Dhe nëse ka një opsion, milionerët vizionarë duan të përfitojnë prej tij.

Kobold Metals, një kompani fillestare dhe eksploruese minerale me bazë në Kaliforni, ka bashkëpunuar me Bluejay Mining për të gjetur ato metale të rralla dhe të çmuara në Grenlandë, që nevojiten për të ndërtuar automjete elektrike dhe bateri për të ruajtur energjinë e rinovueshme.

Në vitin 2019, KoBold mori mbështetjen e njërit nga fondet kryesore të kapitalit sipërmarrës të Silicon Valley, Andreessen Horowtz, dhe më shumë nga Breakthrough Energy Ventures, një mjet financimi shumë miliardë dollarësh i krijuar nga bashkëthemeluesi i Microsoft, Bill Gates dhe i mbështetur nga një grup që përfshin Bezos.

Mbledhja e fondeve arriti në dhjetëra, miliona dollarë dhe i dha KoBold financime 4-vjeçare për përpjekjet paraprake të eksplorimit në më shumë se një duzinë vendesh, duke përfshirë Grenlandën.

Një raund më i fundit solli 192.5 milionë dollarë të tjerë. Dhe parashikimet me kërkesë të lartë duhet të ndihmojnë në tërheqjen e kredive të ardhshme dhe projekteve më të mëdha, madje edhe në një nga vendet më jomikpritëse në botë.

30 gjeologë, gjeo-fizikanë, kuzhinierë, pilotë dhe mekanikë po punojnë në vendin ku Kobold dhe Blujay kërkojnë depozitat që do të shfaqeshin pas shkrirjes. Besimi është se Grenlanda mund të jetë një pikë shumë e rëndësishme për qymyrin, bakrin, arin, tokat e rralla dhe zinkun, sipas Shërbimit Gjeologjik të Danimarkës dhe Grenlandës.

“Është shqetësuese të dëshmosh pasojat dhe ndikimet e ndryshimeve klimatike në Grenlandë, – tha CEO i Bluejay Mining, Bo Møller Stensgaard për CNN. – Por në përgjithësi, ndryshimet klimatike e kanë bërë eksplorimin në Grenlandë më të lehtë dhe më të arritshëm”.

Grenlanda është tani një shtrat provë si për ndryshimin e klimës, ashtu edhe për pasojat e tmerrshme me shkrirjen, e cila po ndodh më shpejt se sa mendohej. Mungesa e akullit në shumë zona të ishullit po lejon analiza me të gjitha llojet e teknologjisë dhe mundësinë e shpimit për të analizuar terrenin.