Blinken i bën thirrje Izraelit të mbrojë civilët në Gaza

Sekretari amerikan i Shtetit, Antony Blinken i ka bërë thirrje Izraelit, si një demokraci, t’i kushtojë vlerën më të lartë jetës njerëzore dhe të rrisë fluksin e ndihmave për Gazën.

Sipas tij, “sulmi i tmerrshëm” i kësaj jave ndaj punëtorëve të Kuzhinës Qendrore Botërore në Gaza duhet të jetë incidenti i fundit i tillë.

“Tani për tani, nuk ka prioritet më të madh në Gaza sesa mbrojtja e civilëve, rritja e ndihmës humanitare dhe garantimi i sigurisë së atyre që e ofrojnë atë. Izraeli duhet të takohet në këtë moment”, u tha Blinken gazetarëve në një konferencë shtypi në Bruksel./abcnews.al