Cakaj: Sot, me dhimbjen më të thellë kujtojmë shumë më shumë sesa thjeshtë masakrën e Reçakut

Ministri i Jashtëm i Shqipërisë, Gent Cakaj ka përkujtuar sot 45 civilët e masakrës së Reçakut.

Cakaj tha se kjo ngjarje tronditi ndërgjegjen e gjithë botës demokratike, por edhe përshpejtoi ndërhyrjen politike e ushtarake të NATO-s në Kosovë.

Cakaj tha se sot, duke kujtuar masakrën e Reçakut, kujtojmë edhe rrugëtimin drejt pavarësisë së Kosovës nëpërmjet fushatave më të shëmtuara të spastrimit etnik dhe gjenocidin, transmeton Indeksonline.

Postimi i plotë:

Sot, me dhimbjen më të thellë e nderimin më të lartë, kujtojmë shumë më shumë sesa thjesht masakrën e Reçakut, 15 janar 1999. Njëzetë e një vite më parë, forcat serbe vranë mizorisht 45 civilë shqiptarë, pleq, gra e burra e të mitur. Kjo ngjarje atë botë jo vetëm tronditi fortë ndërgjegjen e gjithë botës demokratike, por edhe përshpejtoi ndërhyrjen politike e ushtarake të NATO-s në Kosovë. Sot, ndërkaq, duke kujtuar masakrën e Reçakut, ne kujtojmë edhe rrugëtimin drejt pavarësisë së Kosovës nëpërmjet fushatave më të shëmtuara të spastrimit etnik dhe gjenocidit. Njëzetë e një vjet më vonë ende kujtojmë nevojën për vënie para drejtësisë të frymëzuesve politikë dhe zbatuesve ushtarakë e spastrimit etnik dhe veprimeve gjenocidiale në Kosovë. ????