Cavani gati të transferohet te Roma, Dzeko te Interi

Transferimi i Edinson Cavani tek skuadra e Romës do të bëj Edin Dzekon të largohet nga kjo skuadër dhe të transferohet tek Inter, raporton Corriere dello Sport.

Uruguajani është një lojtar pa kontratë dhe skuadra e Romës ka shfaqur interesim për transferimin e tij edhe pse një gjë e tillë nuk do jetë aspak e lehtë të arrihet.

Arsyeja e parë është paga e lartë që kërkon Cavani dhe e dyta është që boshnjaku Dzeko do të largohej nga kryeqyteti italian për shkak se nuk ka vend për të dytë në një skuadër.

Nga gjithë kjo tollovi duket se përfituesja më e madhe do të jetë skuadra e Inter.