23:55 / E Hënë, 24 Qershor 2019

Çfarë është kriza e famshme e vitit të 7-të, përse meshkujt dhe femrat tradhëtojnë më shumë pas kësaj etape në jetën e tyre

Një sondazh i bërë së fundmi nga portali “Incontri-ExtraConiugali.com” ka treguar që ekziston një lidhje shumë e fortë mes moshës dhe dëshirës për të tradhëtuar. Në një kampion prej 1000 grash dhe 1000 burrash që ishin të regjistruar në portal, dolën të dhëna të ndryshme. “Burrat sillen ndryshe nga gratë kur hyjnë në një 10 vjeçar të ri” – shpjegon themëluesi i portalit Alex Fantini, ” ndërsa gratë dyfishojnë shanset për tradhëti kur mbushin 40 vjeç dhe hyjnë në atë të ashtuquajturën “krizë e moshës së mesme””. Për burrat mosha 30 deri 50 vjeç është mosha më kritike përsa i përket tradhëtive. Fëmijë,fatura, impenjime, rutina, ideja se po plaken…të gjitha këto i shtyjnë burrat të hedhin “grepin”.

Ndërsa gratë kur mbushin të 40-tat e kanë shumë të vështirë të pranojnë kalimin në maturitet dhe është shumë e vështirë për to të lenë pas krahëve vitet e rinisë. Gjatë këtyrë viteve gratë kalojnë periudha të trazuara që i shtyjnë drejt tradhëtive. Sondazhi ka treguar që 68% e grave kanë tradhëtuar pikërisht mes moshës 40-45 vjeç. Gratë 30 vjeçare tradhëtojnë shumë më pak se burrat e kësaj moshe.

“Sigurisht që përveç moshës, një numër tjëtër që ndikon tek tradhëtia është numri i viteve të martesës: pas vitit të 7-të të martesës, apo bashkëjetesës 6 në 10 burra dhe 5 në 10 gra tradhëtojnë partnerin” – shton themeluesi i portalit për takime jashtë martesore ” Incontri-ExtraConiugali.com.”

Bëhet fjalë për krizën e famshme të vitit të 7-të dhe sondazhi e vërteton më së miri këtë teori, e cila me sa duket nuk është legjendë urbane.Pikërisht në vitin e 7 të martesës/bashkëjetesës, marrëdhëniet jashtë martesore kanë tendencë të rriten dhe pastaj nisin të rriten sërish pas vitit të 12, kjo gjithnjë nëse çifti nuk është ndarë në krizën e parë. Për të dyja sekset, pas 18 vitesh martesë apo bashkëjetesë tradhëtia është 1 në 10 persona.