Chiara Ferragni prezanton të dashurin e ri, nuk i fshin fotot me ish-in
Chiara Ferragni e ka bërë zyrtare lidhjen e saj me menaxherin kolumbian José Hernandez në Instagram.
Të hënën ajo ekspozoi me krenari partnerin e saj të ri, transmeton Indeksonline.
Për javë të tëra kishte pasur spekulime se Chiara dhe José ishin çift. Kohët e fundit, të dy kaluan pushime së bashku në Portugali dhe në Forte dei Marmi.
Në vendpushimin italian, ata u relaksuan në plazh me fëmijët e Chiarës, Leone (8) dhe Vittoria (5). Me sa duket, José është tashmë pjesë e rregullt e familjes.
Kjo është lidhja e dytë zyrtare e Chiarës që nga ndarja e saj me reperin Fedez (36). Verën e kaluar, ajo ishte në një lidhje me Giovanni Tronchetti Provera për një kohë.
Chiara kishte postuar një foto prekëse me të pranë detit. Pavarësisht lidhjes së saj të re nuk e ka fshirë foton. Fotot e çiftit me Fedez gjenden ende në llogarinë e saj, e cila ka mbi 27 milionë ndjekës./Indeksonline/
