COVID-19, Austria heq të gjitha masat kufizuese

Zyrtarët austriakë nuk do t’u kërkojnë më shtetasve që hyjnë në vend të tregojnë dëshmi të vaksinimit kundër Covid-19 ose shërimit e tyre nga virusi, pas një ndryshimi të rregulloreve që do të hyjë në fuqi të hënën.

“Gjithashtu, udhëtarët nuk do të duhet të paraqesin më një test negativ për Covid-19”, sipas rregullores së përditësuar nga Ministria e Shëndetësisë.

Teorikisht, individët që hyjnë në vend nga vende të klasifikuara si zona të prekura nga virusi do t’u nënshtrohen kushteve, por lista e vendeve ku zbatohen ato rregulla është aktualisht bosh.