Pandemia Covid-19 rimodelon Javën e Modës

Java e Modës në New York, do të duket pak më ndryshe këtë sezon me kufizimet e pandemisë COVID-19 që ndikojnë gati çdo aspekt të jetës. Parada shtatëditore e shfaqjeve dhe prezantimeve në pasarelë është reduktuar në pesë ditë nga 13-17 shtator. Organizatorët kanë bashkëpunuar ngushtë me zyrën e guvernatorit të New York-ut për të zbatuar protokollet e nevojshme.

“Ne kemi rimodeluar gjithçka në funksion të një shfaqje të sigurt dhe të suksesshme për stilistët dhe që i lejon pjesëmarrësit të ndjekin Javën e  Modës në New York, si asnjëherë më parë”, tha Prill Guidone, zv.presidenti I i marketingut.

Stilistët  Jason Wu, Rebecca Minkoff dhe Christian Siriano këtë vit janë janë partnerë me dyqanin e pajisjeve amerikane “Lowe’s”. Secili prej tyre do të përdorë për dekor produkte për shtëpi. Këto artikuj më vonë do të jenë në dispozicion për blerje. Prezantimi I koleksioneve do të bëhet me një publik të kufizuar, shfaqjet do të regjistrohen dhe më pas do të transmetohen në platformën e re digjitale, “Runway360”.com

Kryeredaktorja e revistës amerikane “Marie Clare”, Aya Kanai, shprehet se përsa u përket të ftuarëve në shfaqjet në New York, Milano dhe Paris, pjesëmarrja do të mbetet një zgjedhje personale. Kjo është një zgjedhje personale. Ne kurrë nuk do t’i kërkojmë askujt ta vijë me patjetër.”

Ndërsa modelja, Anok Yai, e cila ka punuar në Londër që nga marsi, i përshkroi shumë të çuditshme shfaqjet e pakta që ka bërë gjatë pandemisë.

“Kjo pandemi shkaktoi kaq shumë pasiguri dhe me të vërtetë askush nuk e ka idenë se çfarë do të ndodhë në të vërtetë”, tha Yai.  “Shpresojmë se gjithçka do të kthehet siç ishte, sa më shpejt.”

Organizatorët besojnë se karantina do të përshpejtojë industritë e modës të kthehet në kursin normal, duke kaluar këtë fazë të vështirë.