Daja para ndeshjes me Astanan: Kam besim 1000% tek lojtarët e mi
Ballkani nesër luan ndeshjen e radhës në Confernce League, e vlefshme për javën e tretë të fazës së grupeve.
Kampioni i Kosovës do të përballen me skuadrën nga Kazakistani, FC Astana, shkruan IndeksOnline.
Trajneri i Ballkanit, Ilir Daja, në konferencë për media dha se duhet të jenë me këmbë në tokë dhe beson në lojtarët e tij që të mbajnë formën e javëve të fundit.
“Duhet të jemi me këmbë në tokë. Duhet të fokusohemi në ndeshjen e nesërme.
Si trajner një përjetim i madh për mua, ky përjetim mund të ndodhë javë për javë si në Europë, ashtu edhe në Superligë. Ekipin e kemi tepër të mirë, entuziazmi është në nivele optimale.
Shpresojmë ta mbajmë këtë sa më gjatë që është e mundur, gjithmonë me fatin me vete. Kam besim 1000% tek lojtarët e mi. Ne kemi një grup me djemë të shkëlqyer, me karakter shumë të mirë”, deklaroi Daja në konferencë për shtyp.
Ndeshja Ballkani-Astana zhvillohet të enjeten në stadiumin “Fadil Vokrri” në Prishtinë, më fillim nga ora 18:45./IndeksOnline/