Dalin fotot e të dyshuarve për vrasjen e çiftit Mujeci në Balldren

Euronews ka siguruar fotot e Renato dhe Florin Mëhillajt, të dyshuar si autorë të vrasjes së çiftit Kreshnik dhe Gentjana Mujeci.

Së bashku me ta, i dyshuar i tretë është edhe Adriano Mëhillaj, ndërsa të tretë janë shpallur në kërkim.

Dyshohet se vrasja ka ndodhur për motive hakmarrjeje pasi Renato Mëhillaj është djali i Genc Mëhillajt, ndërsa Adriano dhe Florini janë nipat e tij.

Genc Mëhillaj është vrarë në vitin 2016, ndërsa si autor u akuzuan Kreshnik Mujeci, së bashku me kushëririn e tij, Jozef Mujeci ndërsa në vitin 2018 ishte Gjykata e Shkodrës e cila e shpalli të pafajshëm Mujecin, lidhur me vrasjen në fjalë, me argumentin se “nuk provohej ta kishte kryer veprën penale për të cilën akuzohej”.