Daut Haradinaj del me deklaratë të madhe ndaj Fitore Pacollit: Jemi një!

Edhe Daut Haradinaj, deputeti i AAK-së dhe vëllai i liderit të AAK-së, Ramush Haradinajt, ka komentuar deklaratën e deputetës së VV-së, Fitore Pacollit për nënën e tij.

Ai ka thënë se nuk e beson që Pacolli ka dashur ta ofendojë nënat shqiptare e aq më pak, nënën e tij e cila sot ka përvjetorin e dy djemve të saj,

Madje, ai s’do të besojë që e njëjta nuk e ka pasur me të keq, duke thënë se kur është fjala për nënat shqiptare, të gjithë janë një.

Ky është postimi i tij i plotë:

Nuk besoj që Fitore Pacolli ka dashur të ofendojë nënat shqiptare e aq më pak nënën time e cila sot ka përvjetorët e dy djemve të saj.

Deputetja e Parlamentit të Kosovës nuk besoj që e ka pasur me të keq dhe në tone përçmuese deklaraten e saj në televizion, aq më pak kur nëna ime është shëruar në shtetin amë Shqipëri.

Kur është fjala për nënat tona shqiptare, besoj që të gjithë jemi një.