Del në ankand fanella e Messit që veshi në ndeshjen e fundit kundër Ronaldos, ka një çmim “modest”

Shumë kanë shkruar për “vallëzimin e fundit” të Messit kundër Cristiano Ronaldos, por askush akoma nuk e di nëse kjo është ndeshja e fundit mes dy titanëve.

Disa paguan miliona për të blerë biletën për të parë ndeshjen e PSG-së ndaj skuadrës së shkrirë të Al Nassr dhe Al Hilal në Riad.

Ndeshja u luajt të mërkurën dhe skuadra e Messit mundi skuadrën e Ronaldos me rezultatin 5-4.

Pas kësaj, fanella e Parisit e firmosur nga ylli argjentinas u hodh në ankand nga francezët me një çmim fillestar prej 89 euro dhe tashmë i ka kaluar 20 mijë euro.

Megjithatë, sipas vlerësimeve, në ditët në vijim do të kalojë 40 mijë euro.

Personi që mban rekordin për një fanellë të Messit të blerë gjatë një ankandi, është një kinez i cili ka paguar 47,300 euro.