Del në ankand tabela e veturës “ZH 50”, ja e veçanta e saj

Zyra e Trafikut Rrugor në Albisgütli feston 50 vjetorin e saj.

Me këtë rast, një numër makine që përputhet me këtë datë tani po del në ankand, ZH 50.

Ofertat mund të bëhen në faqen e internetit të Zyrës së Qarkullimit Rrugor gjatë 24 dhe 30 gushtit.

Çmimi fillestar për targën është 8000 franga. Është targa e parë me dy shifra në kanton dhe të interesuarit mund të bëjnë ofertat e tyre deri më 30 gusht,” thotë zëdhënësi i mediave për Zyrën e Trafikut Rrugor të Cyrihut, Severin Toberer.

Kantoni i Cyrihut ka nxjerrë në ankand targat për ofertuesin më të lartë që nga viti 1995.

Në vitin 2022 targa “ZH 100” u shit për 226,000 franga. Për këtë targë u dhanë edhe 350 mijë, por që ofertuesit ishin të dyshimtë.

194,000 CHF u shit targa “ZH 888” në qershor të vitit të kaluar.

Në vitin 2018 targa “ZG 10” ka qenë e para në Zvicër, për të cilën janë paguar 233 mijë franga.

Të ardhurat nga ankandet javore derdhen në thesarin e shtetit të Cyrihut. /Indeksonline/