Delfinët në Gjirin e Meksikës rezultojnë pozitivë ndaj kokainës

Një numër delfinësh në Gjirin e Meksikës janë zbuluar se kanë rezultuar pozitivë për kokainë, meprobamatin qetësues, karisoprodolin relaksues të muskujve dhe qetësues të fortë kundër dhimbjeve.

Një studim i ri ka zbuluar praninë e drogës dhe fentanilit në organizmat e kafshëve detare. Gjithashtu ka rezultuar se kafshët nuk i kanë gëlltitur nga goja – duke pirë ujë, por se droga absorbohet përmes lëkurës.

Janë testuar 89 delfinë dhe u konstatua se 30 prej tyre kishin barna ose ilaçe në trupin e tyre dhe 24 rezultuan pozitivë për qetësues kundër dhimbjeve, të cilat janë 100 herë më të forta se morfina.

Një qetësues i quajtur meprobamate dhe relaksuesi i muskujve karisoprodol u gjetën gjithashtu në yndyrën e kafshëve të testuara.

Detaje për përqendrimin e kokainës nuk janë bërë të ditura.

Eksperti i gjitarëve Dara Orbah tha se farmaceutikët janë bërë mikrondotës seriozë me shqetësim në rritje globalisht. Prania e tyre është raportuar gjithashtu në ekosistemet e ujërave të ëmbla, lumenj dhe oqeane në shumë vende në mbarë botën.

“Kur hulumtoni ndotjen, delfinët shpesh përdoren si bioindikatorë të shëndetit të një ekosistemi të caktuar, sepse delfinët kanë bluzë të pasur me lipide që mund të ruajë ndotësit që ne po kërkojmë”, tha Orbach.

“Rezultatet e testit janë ato që unë do ta quaja flamur i kuq, ne jemi të shqetësuar dhe duhet të hetojmë më tej dhe të shohim se sa i madh është një problem në të vërtetë, nëse ky është vetëm rasti me delfinët në Gjirin e Meksikës apo nëse është në të vërtetë tashmë e zakonshme në ujërat në mbarë botën…” tha Husain Abdullah, profesor i kimisë në Universitetin e Teksasit A&M Corpus Christi.

Në korrik të këtij viti, shkencëtarët konfirmuan se peshkaqenët që jetonin në ujërat në brigjet e Brazilit gjithashtu rezultuan pozitivë për kokainë.