Derby della Madonnina po afron, 90 minuta të zjarrtë na presin në ”San Siro”
Interi përballet me Milanin në ”San Siro” sot për Derby della Madonnina e parë për sezonin, 2018/19 në Serie A.
Interi ka pasur një fillim impresiv këtë sezon, duke i fituar së fundmi gjashtë ndeshje radhazi, ndërsa edhe Milani ka impresionuar në javët e fundit, duke e mposhtur Sassuolon si mysafir me rezultat, 4-1.
A 6⃣0⃣-second summary of coach #Spalletti‘s pre-match press conference ahead of the #DerbyMilano! #InterMilan pic.twitter.com/poVaAiXlQF
— Inter (@Inter_en) October 20, 2018
Këtu keni gjithçka që ju duhet të dini për ndër derbin më të zjarrtë lokal në botën e futbollit.
Derbi i sotëm i Milanos zhvillohet me fillim nga ora, 20:30, në stadiumin e famshëm, ”San Siro”, transmeton IndeksOnline.
Forma e fundit:
Interi ka qenë impresiv në javët e fundit, duke i humbur vetëm dy ndeshje nga tetë të zhvilluara këtë sezon.
”Nerazzurrët” i kanë fituar gjashtë ndeshjet e fundit në të gjitha garat, duke mposhtur edhe skuadrat si Tottenhami, Sampdoria dhe Fiorentina.
“Play with no fear” ??
Gattuso previewed tomorrow’s derby at the pre-match press conference. Read what he had to say: https://t.co/ueIqmxKS9o#InterMilan #MILANosiamonoi pic.twitter.com/4o8H1scZC5— AC Milan (@acmilan) October 20, 2018
Ndërsa, para fitoreve ndaj Sassuolos, Olympiacosit dhe Chievo Veronas, Milani kishte barazuar me Atalantan dhe Empolin.
Të rejat nga të dyja skuadrat:
Për Interin, Sime Vrslajko mbetet jashtë shkaku i lëndimit, por ai është shqetësimi i vetëm për Luciano Spallettin. Interi nuk pritet të bëjë ndonjë ndryshim në përbërjen startuese nga ndeshja e fundit me SPAL-in xhiron e kaluar.
Ndërsa, Milanit do t’i mungojnë dy yje – Andrea Conti është ende duke u rikuperuar nga lëndimi në gju, derisa Ivan Strinic është ende jashtë pas problemeve me zemër.
Reprezentuesi italian, Riccardo Montolivo është ende i lënduar, derisa qendër-mbrojtësi, Mattia Caldara pritet të mungojë sot shkaku i një lëndimi muskulor.
Formacioni i mundshëm i Interit: Handanovic; D’Ambrosio, De Vrij, Skriniar, Asamoah; Vecino, Brozovic, Politano, Perisic, Nainggolan; Icardi.
Formacioni i mundshëm i Milanit: Donnarumma; Abate, Musacchio, Romagnoli, Laxalt; Kessie, Biglia, Bonaventura; Suso, Higuaín, Calhanoglu.
Parashikimi:
Të dyja skuadrat janë në formë të mirë kohëve të fundit, por në shumicën e ndeshjeve të tilla, forma e fundit nuk ka aspak rëndësi.
Duke u bazuar në historinë e këtyre ndeshjeve, këto ndeshje dhurojnë gola, por sot pritet që një gol ta vendosë ndeshjen.
Parashikimi: Inter 2-1 Milan./IndeksOnline/
