‘Dheu i Bardhë’ i jep mbështetje të fuqishme NISMA-s
NISMA Socialdemokrate sot ka themeluar edhe një nëndegë në lagjen “Dheu i Bradhë 2”, kryetare e së cilës është zgjedhur Mimoza Ramadani.
Lajmi është bërë i ditur nga kryetari i NISMA në Gjilan, Bajram Hasani, njëherësh ministër i Tregtisë dhe Industrisë, përmes një postimi në Facebook.
“Në këtë kuadër javëve të kaluara në degën e NISMA Socialdemokrate në Gjilan kemi themeluar dhjetëra nëndegë, qindra të rinj e të reja me vullnet dhe energji të pashoqe tashmë janë bërë pjesë e familjes sonë të madhe socialdemokrate. Këtë të diel e themeluam edhe një nëndegë të re, në “Dheu i Bardhë 2”. Në praninë e dhjetëra anëtarëve të rinj, zgjodhëm kryetaren dhe kryesinë e nëndegës. Kryetare e kësaj nëndege u zgjodh Mimoza Ramadani”, shkruan Hasani.
Për më tepër ai thotë se e rëndësishme është që NISMA nga të gjithë po shihet si parti e shpresës për krijimin e një mirëqenie për të gjithë.
“Forcimi dhe konsolidimi i radhëve të tyre është edhe si rezultat i punës se asamblistëve të NISMA-së në qeveritë komunale, por edhe puna suksesshme në nivelin qendror”, shkruan Hasani.