Dhjetë fajdexhi të arrestuar për 3 ditë/ Sveçla: Do ta zhdukim fajden dhe haraçin
Ministri i Punëve të Brendshme, Xhelal Sveçla ka reaguar pasi në 3 ditët e fundit janë arrestuar 10 persona që merreshin me fajde.
Në postimin e tij, Sveçla ka thënë se fajden e haraçin do ta zhdukin dhe se Kosova do të jetë vend i sigurt, transmeton Indeksonline.
Postimi i plotë:
Për tre ditë në lokacione të ndryshme janë arrestuar dhjetë persona që merreshin me fajde. Në Republikën e Kosovës më nuk ka vend për veprimtari të tilla kriminale dhe për këtë jemi të vendosur. Fajden e haraçin do ta zhdukim, Kosova do të jetë vend i sigurt.