Dikush dëmtoi vendin që shërbente për bagëtitë, reagon kryetari i Suharekës
Shpesh është faktori njeri ai që dëmton më së shumti natyrën dhe objektet përreth.
Një veprim të tillë ka bërë dikush në Bjeshkën e Greikocit, saktësisht në vendin e quajtur tek “Rrafshi i Livadhezeve”, ku është shkatërruar një pjesë e ndërtuar e cila shërbente për bagëtinë e të gjihëve, përcjellë Indeksonline.
Kjo ka bërë që të reagojë kryetari i Suharekës, Bali Muharremaj. Ai e ka dënuar rastin teksa është shprehur që kjo pamje nuk i pëlqen askujt dhe duhet ndaluar abuzimet të cilat dëmtojnë secilin.
Ky është postimi i tij i plotë:
Ky dëmtim ka ndodhur në bjeshkën e Greikocit dhe natyrisht kjo pamje e shëmtuar nuk i pëlqen askujt.
Ky vend ndodhet tek “Rrafshi i Livadheve” dhe ka shërbyer për bagëtinë e të gjithëve pa dallim i ndërtuar që nga viti 2004.
Ne duhet ta shërbejmë njëri-tjetrin me shembuj të mirë, dhe jo me abuzime të tilla të cilat na dëmtojnë të gjithëve.