Dita e III’ e protestës, Milosavljeviç: Lironi serbët, policia Kosovës të largohet nga veriu!
Ish-kryesuesi i Kuvendit Komunal të Zveçanit, Sergjan Milosavljeviç u ka bërë thirrje serbëve të protestojnë në mënyrë paqësore.
Gjatë tubimit të sotëm, ai përsëriti kërkesat për lirimin e serbëve të arrestuar gjatë incidenteve të fundit në Zveçan, transmeton Indeksonline
Ai kërkoi përsëri tërheqjen e njësive speciale policore nga veriu i Kosovës dhe mos lejimi i hyrjes së kryetarëve të sapozgjedhur në ndërtesat komunale.
“Kemi informacione se avokatët e tyre janë në terren dhe presim reagime nëse do të lirohen. Ne jemi të njohur si një komb paqësor”, tha ai.
Milosavljevic u bëri thirrje qytetarëve të mbledhur që të protestojnë në mënyrë paqësore. /Indeksonline/