Ditë e ”zjarrtë” në Superligën e Basketbollit, katër skuadrat më të trofeshme përballen mes vete
Sot zhvillohen dy përballje interesante në Superligën e Basketbollit kosovar.
Ndeshjet janë të vlefshme për javën e 20-të të PrinceCaffe Superligës, shkruan IndeksOnline.
Katër skuadrat më të trofeshme kosovare do të përballen mes vete.
Ndeshja e parë zhvillohet mes Sigal Prishtinës dhe Pejës.
Prishtinasit janë në vendin e tretë me 13 fitore e gjashtë humbje, derisa pejanët kanë 14 fitore e pesë humbje, duke i ndarë vetëm një pikë mes tyre, e kjo do të bëjë edhe më interesante këtë përballje. Në dy takimet e këtij edicioni, të dy skuadrat kanë nga një fitore ndaj njëra-tjetrës si mysafire. Pejanët triumfuan në Prishtinë 80:95, derisa kryeqytetasit në Pejë, 78:81.
Kjo ndeshje zhvillohet nga ora 19:00
Ndeshja tjetër e ditës së sotme luhet mes Bashkimit dhe Trepçs.
Prizrenasit janë në vendin e gjashtë me shtatë fitore e 12 humbje, kurse mitrovicasit në vendin e parë me 17 fitore e dy humbje. Këtë edicion ‘Xehetarët’ kanë dy fitore ndaj Portokallezinjëve, 77:99 dhe 84:67.
Kjo ndeshje zhvillohet nga ora 19:00./IndeksOnline/