Donika Kadaj, propozon që të hiqet pagesa te QKUK-ja dhe të jepen maska falas për studentët
Deputetja e AAK-së, Donika Kadaj-Bujupi ka bërë tri propozime në seancën e sotme të Kuvendit. Kadaj-Bujupi ka propozuar që të hiqet pagesa në hyrje të QKUK-së.
“Kërkoj që të hapen dyert e QKUK-së. Të hiqet pagesa në hyrje, 3-4 euro në ditë janë shumë në kohën kur ekonomia po bie e varfëria po rritet”, ka thënë deputetja në Parlament.
Kadaj-Bujupi ka propozuar po ashtu që studentët të furnizohen me maska nga Ministria e Shëndetësisë.
“Ka maska të mjaftueshme, dërgojini në UP, fakultete e biblioteka”, ka thënë deputetja nga Istogu.
Ajo ka kërkuar një sqarim edhe nga Ministria e Financave për marrjen e 10%-shit nga Trusti. Kadaj-Bujupi ka thënë se na duhet njoftimi se në cilën fazë është ligji./Indeksonline/