Dramë në “Karagaq”, Dardan Berisha i hakmerret Prishtinës
Peja ka shënuar fitore në derbin e xhiros së 21-të Superligës së Kosovës në Basketboll.
Ata kanë mposhtur rivalin e përjetshëm, Sigal Prishtinën me rezultat 82-76, shkruan Indeksonline.
Peja ishte në epërsi gjatë të gjithë ndeshjes, edhe pse në fund rezultati ishte i ngushtë, ku Prishtina u afrua deri në tri pikë (76:73), por pa mundur të arrijë përmbysjen.
Basketbollistët më efikas ishin Dardan Berisha i Pejës dhe Jordan Johnson i Prishtinës me nga 26 pikë.
Kjo ishte fitorja e parë e Pejës këtë sezon ndaj Prishtinës.
Vlen të theksohet që atmosfera në palestrën e stërmbushur ishte fantastike. /IndeksOnline/