Drenasi feston, FERRONIKELI KAMPION
Feronikeli është shpallur kampion i Superligës së Kosovës për sezonin 2018/19.
Në stadiumin “Rexhep Rexhepi” skuadra nga Drenasi mposhti Prishtinën me rezultat 1-0 në ndeshjen e fundit të këtij edicioni.
Golin e vetëm në ndeshje e shënoi Ylli Hoxha në minutën e 72-të të ndeshjes, ku një krosim i tij nuk u devijua nga askush dhe gjeti rrjetën.
Feronikeli mbyll sezonin në vendin e parë me 80 pikë, pesë më shumë se Prishtina.
Llapi është e treta në tabelë me 69 pikë derisa Drita në vendin e katërt me 48 pikë.
Feronikeli është edhe në finale të Kupës ku do të luaj kundër Trepça ’89. /IndeksOnline/