Dreshaj e Arifi në Dubai, shpejt do të sjellin në Kosovë investitorë të mundshëm
Deputeti i Aleancës për Ardhmërinë e Kosovës, Gani Dreshaj bashkë me ambasadorin e Kosovës në Emiratet e Bashkuara Arabe, Avni Arifin kanë zhvilluar një takim me sheikin e Dubait, Mohammed Omer Bin Haider.
Dreshaj u shpreh se ata janë dakorduar që në muajt e ardhshëm të dërgojnë ekipet e tyre për të hulumtuar projekte në Kosovë, shkruan Indeksonline.
Ai tha se synimi i tyre ishin projekte infrastrukturore, zhvillimore dhe në bujqësi e turizëm.
Statusi i Dreshaj në Facebook:
Bashkë me ambasadorin e Kosovës në Emiratet e Bashkuara Arabe, Avni Arifin patëm takim frytdhënës me një nga sheikët më të njohur në Dubai, Mohammed Omer Bin Haider.
U dakorduam që biznesmenët nga Dubai gjatë muajve të ardhshëm të dërgojnë ekipet e tyre për të hulumtuar projektet në Kosovë.
Synimi i tyre ishte për projekte infrastrukturore, zhvillimore si dhe në bujqësi e turizëm.
Jam i bindur që Kosova ka potenciale për investime dhe iu them me bindje se nuk do të ndalem asnjëherë me punë për vendin tim.G.D