Drita ‘bën dritë’, e fiton lehtësisht derbin lokal ndaj Gjilanit
Skuadra e Dritës po vazhdon me rezultate pozitive në Superligën e Kosovës edhe në xhiron e 24-të.
Kampioni në fuqi arriti fitore të lehtë në derbin lokal, ndaj Gjilanit me rezultat 2 me 0, shkruan IndeksOnline.
Dy golat e ndeshjes u shënuan në pjesën e parë, me Namanin dhe Limanin.
Në pjesën e dytë nuk pati gola, por skuadra e Ardian Nuhiut bëri paraqitje fantastike dhe kishte më shumë raste shënimi, sesa ekipi i Bylbyl Sokolit.
Me këtë fitore, Drita rikthehet në pozitën e parë me 53 pikë, dy pikë më shumë se vendi i dytë, Ballkani (51)./IndeksOnline/