09:21 / E Hënë, 24 Shkurt 2020

Kthehen, 500 shqiptarë në Durrës nga Italia, dyfishohen kontrollet për koronavirusin

Prej tri ditësh, Italia ndodhet në gjendje emergjence për shkak shpërthimit të papritur të koronavirusit. Megjithatë, edhe pse veriu i Italisë ndodhet në karantinë, lëvizja e lirë e qytetarëve ka vijuar normalisht. Vetëm mëngjesin e të së hënës, nga Italia, mbërritën rreth 500 qytetarë shqiptarë me tragetet e linjës Bari-Durrës.

Pasagjerët kanë udhëtuar normalisht dhe përgjithësisht janë vizitorë nga Shqiqëria që kthehen. Numri i udhëtarëve është në trendin normal të kësaj linjeje. Gjatë udhëtimit janë mbajtur nën kujdes mjekësor si edhe janë kryer kontrolle para daljes nga trageti.

Autoritetet portale thonë se janë në dispozicion një staf i dyfishuar mjekësor si dhe mjedise karantinë që mund të zgjerohen më pas me paraqitjen eventuale të koronavirusit. Deri tashti nuk është paraqitur asnjë rast. Dhe autoritetet theksojnë se nisur nga gjendja e deritashme s’ka vend për panik.